護脊行動 (上)

細細個屋企環境唔好，我成日都喺一張好細嘅檯仔上面做功課，坐到個人攣弓蝦米咁樣，搞到脊骨都歪哂，眼痛頸又痛，大個仲因此花咗好多錢去睇脊醫。

我非常後悔當年冇好好護脊，冇習慣正確嘅坐姿，導致時至今日企得耐都會見攰。

所以，當阿仔慢慢開始長高嘅時候，我自己就打醒十二分精神。我一定唔可以俾個仔重蹈我當年嘅覆轍！

有見及此，我同老公就決定要買一張有全面功能，既可以因應仔仔身高而調整，又可以幫仔仔護脊嘅學習桌椅。

但喺買之前，我同老公都遇到一個難題：屋企根本冇位放。

其實客廳都有多出嘅空位，好可惜全部都塞滿哂老公嘅波鞋盒，模型盒，堆到成座山咁高。有啲位置塞咗以前仔仔好細個玩開嘅玩具，老公以前玩開嘅單車，甚至連佢個模型架都已經非常阻位，仲有其他林林總總嘅收藏、書籍、雜誌，總知成個大廳?雜物都非常多，要喺呢種環境下塞多一張學習桌椅，根本係天方夜譚。

幸好，有一日我上Facebook嘅時候，見到一個叫「百寶庫」嘅專頁。原來係最近好流行嘅儲存箱服務公司，我轉念又想：呢個係一個好好嘅契機去俾我執乾淨間屋企，然後再為仔仔添置學習桌椅。

我同我老公講起「百寶庫」服務嘅時候，佢都決定將所有模型、模型盒、波鞋盒「封印」喺儲存箱入面，而我都決定將其他好少用嘅雜物寄存喺百寶庫。冇法啦，為咗仔仔嘅護脊之路，少少犧牲都係值得嘅。而呢個服務最吸引我嘅地方,莫過於「百寶庫」會有專人送儲存箱過嚟,唔駛我同老公搬過去,實在係好適合我呢啲懶人。

於是第二朝早我已經打電話去百寶庫安排好送箱時間,再同老公用咗一晚時間去點清有邊啲常用嘅嘢要留喺屋企,有邊啲少用,但仲有價值嘅嘢要寄存落百寶庫到,有邊啲冇用嘅嘢要掉咗佢。

終於到咗送箱嘅日子,師傅準時將儲存箱送到嚟我哋屋企,我哋將所有雜物放哂落啲箱到,剩係我老公啲模型都已經塞滿哂兩個箱,而其他雜物都好安置好落啲箱到。

當師傅搬走哂啲箱之後,我同老公都發現屋企闊落咗好多,好似變大咗咁。原來以前積積埋埋咁多雜物,睇嚟以後我哋買嘢之前都要細心考慮,鍛鍊自己嘅選擇能力。

望住屋企騰出咗咁多位置,睇嚟我終於都可以為仔仔添置一張新嘅學習桌椅！