「喂朋友，年年聖誕都係上我哋到開Party，今年到你喇，你出嚟住咁耐我哋都未上過去。」朋友Ａ說。
「請你哋三思，我屋企亂過亂莽崗，你哋上到嚟都一定冇位坐。」我耍手兼擰頭。其實心入面真係泛起驚濤駭浪。
終於喺所有朋友威逼利誘，軟硬兼施之下......我終於半推半就咁屈服咗。
雖然自己出嚟租屋住咗幾年，但係我從來都冇俾朋友上嚟坐下。
無他，因為小弟屋企空間局促之餘，屋企真係亂到自己都頂唔順。連我自己都覺得頂唔順，堪稱為非人類居住嘅生活空間。
「唉如果我有多啦Ａ夢個百寶袋就好喇。」我喺Whatsapp跟另一個朋友ｂ呻道。
「百寶袋就冇喇，百寶庫就有一大個。」朋友Ｂsend咗條link過嚟：「將啲用唔着嘅物品放哂落啲儲存箱到，咁你屋企咪有位招呼朋友囉。」
百寶庫？堅唔堅啊，我都係自己整理好啲雜物先再作打算。
其實我屋企就三四百呎，話大唔大話細唔細，但勝在就係雜物多到嚇人。尤其是買咗返嚟，根本都唔知dun佢喺邊好。
喺我出嚟做嘢賺到第一桶嘅金，買咗第一隻高達之後，小弟嘅生活空間就開始俾一盒盒嘅模型盒侵占咗，當然仲有好多用唔着但我又唔想掉嘅物品。
你估我真係唔想招呼朋友上嚟坐咩，但係魚與熊掌點可以兼得呢？
於是我痛定思痛，我覺得今次係一個好好嘅機會去了斷雜物。
唔執尤止可，一執就俾自己嚇親。
由小學到中學拎嘅獎、以前溝女着既無敵戰衣、一大堆嘅模型盒、唔捨得掉嘅鞋盒、朋友送嘅但自己根本用唔着嘅禮物、以前返學用嘅教科書、過哂氣嘅軍事雜誌、已經壞咗嘅紅白機、初戀女友送嘅紀念品。以上全部都俾我以暴力嘅手法強行東塞西插喺屋企唔同既空隙，有啲雜物甚至係我已經冇哂印象！
但係我一定要堅持落去，為咗舒適嘅生活空間，為咗招呼朋友，今次我一定同雜物做個了斷！
我記返起朋友推介俾我嘅百寶庫儲存箱服務，於是我即刻打電話上去問，留低哂資料之後，約好時間佢哋就有專人將儲存箱送上嚟俾我放好雜物。
呢一切，都充滿住我滿滿嘅回憶，雖然我已經唔再成日拎出嚟懷念一番，但唔代表我要掉呱？所以百寶庫應該係最合適我嘅選擇。
百寶庫嘅師傅準時到達，當佢搬好哂啲箱上嚟嘅時候，我即場將一件件雜物都放哂落去，尤其係最阻掟嘅模型盒，我竟然將佢塞好哂滿滿一個箱！
最後我目送住師傅將我一堆堆嘅回憶托走，而當我環顧家居四周嘅時候，竟然發現間屋好似大咗好多咁！間屋通爽咗好多。
聖誕當晚。
「哇，你間屋都幾企理喎，扮哂嘢咁，邊忽亂啊！」朋友Ａ不斷喺我間屋到四處張望。
「呵呵，呵呵，邊係呢。」我尷尬笑，我絕對唔會俾佢哋知我未用百實庫之前，間屋有幾亂。
朋友Ｂ向我打了一個眼色，我亦報以微笑，以示多謝佢幫我解決咗一直以來嘅煩惱。
