聯絡我們    |   查詢熱線:2480 9888

自從用咗百寶庫......終於可以招呼下朋友

分享:

「喂朋友,年年聖誕都係上我哋到開Party,今年到你喇,你出嚟住咁耐我哋都未上過去。」朋友A說。

「請你哋三思,我屋企亂過亂莽崗,你哋上到嚟都一定冇位坐。」我耍手兼擰頭。其實心入面真係泛起驚濤駭浪。


終於喺所有朋友威逼利誘,軟硬兼施之下......我終於半推半就咁屈服咗。


雖然自己出嚟租屋住咗幾年,但係我從來都冇俾朋友上嚟坐下。

 

無他,因為小弟屋企空間局促之餘,屋企真係亂到自己都頂唔順。連我自己都覺得頂唔順,堪稱為非人類居住嘅生活空間

 

「唉如果我有多啦A夢個百寶袋就好喇。」我喺Whatsapp跟另一個朋友b呻道。

 

「百寶袋就冇喇,百寶庫就有一大個。」朋友Bsend咗條link過嚟:「將啲用唔着嘅物品放哂落啲儲存箱到,咁你屋企咪有位招呼朋友囉。」

 

百寶庫?堅唔堅啊,我都係自己整理好啲雜物先再作打算。

 

其實我屋企就三四百呎,話大唔大話細唔細,但勝在就係雜物多到嚇人。尤其是買咗返嚟,根本都唔知dun佢喺邊好。

 

喺我出嚟做嘢賺到第一桶嘅金,買咗第一隻高達之後,小弟嘅生活空間就開始俾一盒盒嘅模型盒侵占咗,當然仲有好多用唔着但我又唔想掉嘅物品。

 

你估我真係唔想招呼朋友上嚟坐咩,但係魚與熊掌點可以兼得呢?

 

於是我痛定思痛,我覺得今次係一個好好嘅機會去了斷雜物。

 

唔執尤止可,一執就俾自己嚇親。

 

由小學到中學拎嘅獎、以前溝女着既無敵戰衣、一大堆嘅模型盒、唔捨得掉嘅鞋盒、朋友送嘅但自己根本用唔着嘅禮物、以前返學用嘅教科書、過哂氣嘅軍事雜誌、已經壞咗嘅紅白機、初戀女友送嘅紀念品。以上全部都俾我以暴力嘅手法強行東塞西插喺屋企唔同既空隙,有啲雜物甚至係我已經冇哂印象!


但係我一定要堅持落去,為咗舒適嘅生活空間,為咗招呼朋友,今次我一定同雜物做個了斷!


我記返起朋友推介俾我嘅百寶庫儲存箱服務,於是我即刻打電話上去問,留低哂資料之後,約好時間佢哋就有專人將儲存箱送上嚟俾我放好雜物。


呢一切,都充滿住我滿滿嘅回憶,雖然我已經唔再成日拎出嚟懷念一番,但唔代表我要掉呱?所以百寶庫應該係最合適我嘅選擇。


百寶庫嘅師傅準時到達,當佢搬好哂啲箱上嚟嘅時候,我即場將一件件雜物都放哂落去,尤其係最阻掟嘅模型盒,我竟然將佢塞好哂滿滿一個箱!


最後我目送住師傅將我一堆堆嘅回憶托走,而當我環顧家居四周嘅時候,竟然發現間屋好似大咗好多咁!間屋通爽咗好多。


聖誕當晚。


「哇,你間屋都幾企理喎,扮哂嘢咁,邊忽亂啊!」朋友A不斷喺我間屋到四處張望。


「呵呵,呵呵,邊係呢。」我尷尬笑,我絕對唔會俾佢哋知我未用百實庫之前,間屋有幾亂。


朋友B向我打了一個眼色,我亦報以微笑,以示多謝佢幫我解決咗一直以來嘅煩惱。



相關文章

在家中也能進行音樂教學法?

舒適環境幫助小朋友專心學習

廿四孝老公大戰異味漫畫